Rritet numri i përgjithshëm të aksidenteve për 5.9%

Prishtinë, 7 shtator 2012 - Në Prishtinë u mbajt takimi i tretë i
Këshillit për Siguri në Komunikacionin Rrugor, të cilën moren pjesë
zyrtarë të të Ministrisë sëi Infrastrukturës.
Duke folur për gjendjen e sigurisë rrugore në gjashtëmujorin e parë të
këtij viti, ministri i Infrastrukturës, Fehmi Mujota tha se në gjashtë
muajt e parë të vitit 2012 në vendin tonë është shënuar një rritje e
numrit të përgjithshëm të aksidenteve për 5.9%, numri i aksidenteve me
lëndime është zvogëluar për – 4.9%, ndërsa numri i aksidenteve vetëm me
dëme materiale është rritur për + 8.7%. Për fat të mirë, tha ministri
Mujota, numri i aksidenteve me fatalitet në periudhën janar-qershor të
vitit 2012 është më i vogël se në periudhën e njëjtë të vitit 2011 për
-10.4%, ndërsa numri i të lënduarve është më i vogël për – 5.4%.
Në periudhën janar-qershor të vitit 2012 numri i numri i aksidenteve me
fatalitet te këmbësorët është zvogëluar për - 26.3% në krahasim me
periudhën e njëjtë të vitit 2011, ndërsa për 6.6% është zvogëluar edhe
numri i këmbësorëve të lënduar. Mirëpo, theksoi ministri Mujota,
përqindja e aksidenteve me fatalitet te këmbësorët mbetet ende shumë i
lartë në raport me vendet evropiane, ku këmbësorët përbëjnë më pak se
20% të numrit të përgjithshëm të të vdekurve në aksidente të
komunikacionit. Gjithashtu edhe numri i pasagjerëve të vdekur mbetet
shumë i lartë në krahasim me vendet evropiane.
Pas diskutimit, raporti për gjendjen e sigurisë rrugore në gjashtëmujorin e parë të këtij viti u miratua njëzëri.
Në takim u prezentua edhe Strategjia për Siguri në Komunikacionin Rrugor dhe Planin e Veprimit.


(QIK)