Putin: Seksi në grup, më i mirë se ai tek e tek

Në një intervistë për “Russia Today”, presidenti i Rusisë, Vladimir Putin, ka folur për zgjedhjet në SHBA, Julian Assange, Sirinë dhe Pussy Riot. Në këtë intervistë të parë që pas marrjes së detyrës së kreut të shtetit, Putin ka dalë edhe nga petku i tij autoritar. Presidenti i kërkoi gazetarit që emrin e grupit ta përkthente në rusisht duke i thënë se ai kishte kohë që punonte në Rusi dhe mund ta bënte këtë. Më pas ai shtoi: Gjithmonë kam qenë i mendimit se dënimi duhet të jetë proporcional me shkeljen. Tani nuk jam në pozicion që mund të komentoj vendimin e gjykatës, por mund të flas për anën morale të kësaj historie”, tha Putin.

Presidenti rus tha se ky grup ka provokuar edhe në të kaluarën duke kërkuar largimin e hebrenjve, homoseksualëve dhe emigrantëve punëtorë nga Moska dhe gjithashtu kanë publikuar tha ai një video ku shfaqen duke bërë orgji. “Njerëzit janë të lirë të bëjnë çfarë të duan sa kohë që është legale. Ato bënë orgji në një vend publik dhe më pas e hodhën videon në internet. Ju e dinë që disa nga ata që e pëlqejnë seksin në grup thonë se është më i mirë se tek e tek sepse, në ekip, nuk është e nevojshëm të gjuash topin gjatë gjithë kohës”, u shpreh Putin.

Anëtaret e këtij grupi muzikor janë dënuar me dy vjet burg për shkak të ekzekutimi anti-Putin në katedralen e Moskës në shkurt të këtij viti.

Lidhur me zgjedhjet në SHBA, ai tha se Obama dhe Medvedev kanë bërë progres në përmirësimin e marrëdhënieve SHBA-Rusi. Putin u shpreh se nëse rizgjidhet Obama atëherë problemi me sistemin e mbrojtjes antiraketë do mund të zgjidhej duke lënë të kuptohet se pëlqen të fitojë Obama në zgjedhjet e nëntorit. “Mendoj se ai është një njeri i sinqertë dhe sinqerisht ai kërkon të ndërmarrë ndryshime pozitive”, tha Putin. Ndërsa për Mitt Romney, i cili e ka konsideruar Rusinë armikun kryesor të SHBA-ve, presidenti rus tha se kjo është “në nivelin e retorikës elektorale” dhe e cilësoi të gabuar pikëpamjen e kandidatit republikan.