Pattinson fal tradhëtinë e Stewart

Robert Pattinson ka vendosur të falë tradhëtinë e Kristen Stewart dhe t’i japë një shans tjetër marrëdhënies së tyre.

Yjet e sagës ‘Twilight’ kanë biseduar me njëri-tjetrin dhe sipas ‘The Sun’ do të rikthehen sërish bashkë.

Një burim theksoi për tabloidin britanik: “Kristen e sqaroi se bëhej fjalë për një gabim idiot që nuk do të përsëritet më.”

Mendohet se tashmë çifti do të transferohet në një shtëpi në Los Angeles ku do të përpiqen të rindërtojnë marrëdhënien e tyre.

“Robert e kupton se Kristenit i vjen shumë keq për gjithçka ka ndodhur dhe e ka falur. Ata e duan njëri-tjetrin”, shton burimi për tabloidin britanik.

Në muajin korrik, Kristen Stewart u fotografua në krahët e regjisorit Rupert Sanders, i cili është i martuar dhe ka dy fëmijë.