Pas vdekjes së të shoqit, zbulon se ishte i ati

Thu 20 Sep 2012 - 21:28

Një grua ka folur mbi tmerrin që ndjeu kur mësoi pas vdekjes së bashkëshortit të saj, se ai kishte qenë në fakt i ati biologjik. Valerie Spruill, 60 vjeçe, nga Dojlestaun, Ohajo, SHBA, e bëri zbulimin e tmerrshëm nëpërmjet një testi ADN-je. Spruill, e cila ka tre fëmijë dhe tetë nipër e mbesa, po e tregon historinë e vërtetë, në përpjekje për të gjetur motrat dhe vëllezërit e saj. “Kjo histori duhet të thuhet, sepse fëmijët duhet të dinë nga vijnë”, tha ajo në gazetën “Akron Beacon”. Konfuzioni ka nisur sepse për të janë kujdesur gjyshërit e saj, që kur ishte 3-muajshe. Nëna dhe i ati i Valerisë u lidhën kur ai ishte vetëm 15 vjeç dhe numri i fëmijëve që kanë pasur nuk është i qartë. Në moshën nëntëvjeçare, ajo mësoi identitetin e së ëmës që vdiq në vitin 1984, si dhe zbuloi që babai i saj ishte në fakt gjyshi. Por, nuk i kishin treguar se cili ishte i ati. Valeri u njoh me Persin dhe u martuan. Kur ai vdiq në vitin 1998, në moshën 60- vjeçare, ajo dëgjoi zëra mbi marrëdhënien e tyre të çuditshme. Më në fund e mësoi të vërtetën nga një xhaxha dhe e konfirmoi me anë të testit të ADN-së, pasi gjeti flokë të të shoqit në një krehër. Gruaja nuk është e sigurt se Persi e dinte që ishte martuar me të bijën, por ajo mendon se ishte në dijeni të tabusë dhe thjesht i druhej t’ia thoshte asaj. Që kur mësoi të vërtetën, Valeri po jeton me ndihmën e një trapisti. Ajo po shpreson që publikimi i historisë ta ndihmojë të gjejë vëllezërit e saj që ajo nuk e dinte as që ekzistonin.