Qëllohet makina kryeministrit me miell, rikthehen në punë 20 policët e pezulluar

20 policë të komisariatit numër 1 në Tiranë janë rikthyer sërish në punë, pasi u pezulluan nga puna para 9 ditësh, për shkak se ish-të përndjekur politikë arritën të qëllonin me qese mielli makinën e kryeministrit Sali Berisha.
Burime zyrtare nga Policia e Shtetit bënë me dije se me urdhër të Drejtorit të Përgjithshëm të Policisë, Hysni Burgaj, 20 policët e këtij komisariati janë pezulluar nga detyra, mes të cilëve janë edhe komadanti i grupit dhe shefi i rendit në komisariatin numër 1. Ky urdhër ka ardhur pas incidentit të enjtes paradite, ku makina e kryeministrit Sali Berisha u qëllua me qese mielli nga dy ish-të përndjekur politikë, në momentin që po i drejtohej godinës së parlamentit është shoqëruar me masa ndëshkimore për policët e komisariatit numër 1 në Tiranë.
Të prekurit nga ky vendim do të kalojnë në komisionin e disiplinës për t’iu nënshtruar masave për mosndërhyrje e mos neutralizim të dy personave që goditën makinën e kryeministrit. Ngjarja në fjalë ndodhi paraditen e të enjtes në datë 15 shtator kur, ish-të përndjekurit Skënder Tufa dhe Agim Kollcaku, qëlluan me qese me miell në drejtim të makinës së kreut te ekzekutivit përballë parlamentit.