Goditet me qese mielli makina e Kryeministrit Berisha

Tiranë, 13 shtator 2012, NOA- Ndërsa makina e Kryeministrit Sali Berisha po hynte në ambientet e Kuvendit të Shqipërisë për të marrë pjesë në seancën parlamentare të ditës së sotme, dy persona kanë sulmuar makinën e tij duke e qëlluar me qese mielli dhe vezë.

Sipas gazetarit të agjencisë së lajmeve noa.al, thuhet se dy personat që derdhën miellin mbi makinën e Kryeministrit u vunë menjëherë në pranga nga policia.

Nga ana e policisë thuhet se të ndaluarit janë ish-të përndjekur politikë të cilët po protestonin para ambienteve të Parlamentit për dëmshpërblimet e tyre.

Të ndaluarit nga ana e policisë u identifikuan si A.Kollçaku dhe S.Tufa, të cilët dyshohet se goditën makinën e Kryeministrit në shenjë proteste.

a.y/noa.al