Për Një Qese?!! Hajde Moj Në Shqipëri E Hidh Ç’të Duash

Wed 30 Jan 2013 - 20:13

Një britanike e re u dënua me 400 sterlina gjobë pasi i ra përtokë një qese me kripë.

Laura Howells, 24 vjeç, punonjëse në një zyrë, i ra qesja e vogël 2.5 centimetër me 2.5 centimetër, ndërsa ajo po largohej nga restoranti KFC.

Një oficer i zbatimit të ligjit për mbeturinat, i dorëzoi asaj një gjobë prej 75 sterlinash.

Howells tha se nuk e la përtokë qesen.

“Nuk mund ta besoj,” tha ajo. “Ishte thjesht një qese”.

Por kur ajo nuk e pagoi gjobën, u detyrua që të dalë përpara gjykatës, që e dënoi atë me plot 400 sterlina.

Jim Jones, nga Këshilli për Mbrojtjen e Mjedisit, tha: “shpresoj që ky vendim të shërbejë si paralajmërim për të tjerët. Pastrimi i rrugëve nga këto gjëra na kushton 2.2 milion sterlina në vit. Të hedhësh mbeturina është kundër ligjit, po ashtu nuk lejohet të hedhësh mbetjet e cigareve apo të pështysh çamçakëz në rrugë”.Bota shqip