Monica Belluçi: Nuk kam nevojë për tim shoq, ja pse jemi bashkë

Romë, 26 shtator 2012, NOA- Në 30 shtator mbush 48 vjeç por nuk do festojë. Monica Belluçi ama duket më sensuale se kurrë ku për revistën “A” tregon sekretin e raportit të dashurisë që zgjat prej 13 vjetësh me Vincent Cassell.

“Asnjëri prej nesh nuk ka nevojë për tjetrin në sensin praktik, e kuptojmë këtë kur jemi bashkë. Mendoj se dy njerëz qëndrojnë bashkë kur nuk e zgjedhin njeri tjetrin, Vincent dhe unë jemi tërësisht dy persona të pavarur, praktikisht pa thënë asgjë ne e zgjedhim njeri tjetrin çdo ditë. Më ka bërë për vete me atë që vazhdon të na mbajë të bashkuar, pavarësia në çift”, tregon Belluçi, citon noa.al. Por ajo shton me bindje se e di që Vincent nuk bën dot pa të dhe as ajo pa Vincent, por se në të njëjtën kohë nuk është kështu.

Sipas saj nëse e nis një histori me program nuk do funksionojë. E pyetur lidhur me ditëlindjen që pritet të festojë në fund të muajit, Monica shpjegon se nuk i kanë interesuar asnjëherë ditëlindjet, as kur ishte e vogël.

“I quaj si një mërzi vdekjeprurëse, por më pëlqen që të organizoj festa për vajzat e mia, pasi më intereson që ato kënaqen, kështu që festa ime është dita e ditëlindjes së tyre”, shprehet aktorja 48 vjeçare.

a.y/noa.al