Reuters:FMN-BE luftë si “kaposhët ” për Greqinë

Si “kaposhët”po hahen FMN dhe BE për borxhin grek. Sipas Reuters, kreditorët nuk pajtohen me mënyrën se si do zgjidhet kriza e borxhit në vend.
Zyrtarë të lartë grekë, por dhe “troikanoi” thonë se tensioni mes BE dhe FMN është rritur ditët e fundit pasi FMN-ja miraton qëndrimin gjithnjë e më të ngurtë për ristrukturimin e borxhit dhe për shtyrjen e Athinës drejt “sektorit formal”.

FMN i bënë thirrje Europës për të zhdukur një pjesë të borxhit grek.
Udhëheqësit Europianë e pëlqejnë sugjerimin e FMN-se, citon alb-observer.com, por si pasojë e kësaj, humbasin dhjetëra miliarda euro në bonot greke dhe në kreditë që kanë dhënë dhe akoma më shumë, ndjehen përgjegjës përballë elektoratit të tyre dhe masave mbështetëse që kanë marrë për Spanjën dhe Italinë.
Liderët e BE-së preferojnë t’i japin Greqisë më shumë kohë për të arritur objektivat e programit aktual.
Një zyrtar i lartë grek tha se: “në të vërtetë, koha e parashikuar mund të zgjasë pasi janë zgjedhjet gjermane në vjeshtën e vitit 2013″. Por, FMN-ja dëshiron që Europa të arrijë të zgjidh problemet që kanë vende të tilla më shumë borxhe.
“Problemi nuk është ndërmjet FMN-se dhe Athinës, por midis FMN-së dhe BE-së” -tha zyrtari për Reuters. Deklarata të tilla janë konfirmuar nga zyrtarë të lartë në Bruksel dhe Uashington.

“FMN-ja do që të ristrukturojë borxhin, por asnjë nuk do diçka të tille” -tha një burim i qeverisë duke theksuar se nga një takim që pati javën e kaluar, Ministri grek i Financave Yannis Sturnaras kërcënoi se do japë dorëheqjen për shkak të presioneve që i bëhen, për shkurtimin e shpenzimeve të mëdha, duke shtuar se “asgjë nuk e kënaq me z. THomson”
Megjithatë kreditorët më të mëdhenj të FMN-së përfshirë këtu SHBA-t, Japoni-n, Rusi-n dhe Arabinë Saudite, besojnë se ristrukturimi i borxhit grek është i nevojshëm për të arritur objektivat e programit. Megjithatë zyrtarë të Fondit thonë, se nuk ka ende një propozim zyrtar për ristrukturimin e këtij borxhi./F.Sh/alb-observer.com/