OKB: Shqiptarët më jetëgjatë në Ballkan

Tue 2 Oct 2012 - 22:15

Sipas rezultateve të një sondazhi të Kombeve të Bashkuara, jetëgjatësi më të gjatë nga të gjithë banorët e Ballkanit kanë shqiptarët, ndërsa më të shkurtër e kanë serbët. Jetëgjatësia mesatare në Shqipëri është 76.4 vjet ndërsa në Serbi 74 vjet. Femrat shqiptare jetojnë më gjatë se meshkujt. Tek serbët është e njëjta gjë, femrat jetojnë më gjatë se meshkujt. Sipas rezultateve të sondazhit, pas shqiptarëve në lidhje me jetëgjatësinë në Ballkan rradhiten kroatët të cilët jetëgjatësinë mesatare e kanë 75.7 vjet. Pasuar nga Bosnja dhe Hercegovina, Mali i Zi dhe Maqedonia. Mesatarja e jetëgjatësisë në Maqedoni është 74.2 vjet, transmeton portali Shqipmedia.