Konfirmohet prodhimi i Samsung Galaxy S3 Mini

GJERMANI– Kohët e fundit kemi dëgjuar disa thashetheme se Samsung do të hedhë në treg një version më të vogël të Galaxy S III, të cilin do ta quajë Samsung Galaxy S III Mini.

Drejtori i departamentit të komunikimit të kompanisë ka deklaruar se pajisja do të publikohet zyrtarisht të enjten.

Fatkeqësisht, ai nuk ka zbuluar ndonjë specifikë të versionit Mini të S III, përveç faktit se pajisja do të ketë ekran me madhësi 4 inç. “Do të lançojmë Galaxy S III 4 inç në Gjermani më 11 tetor. Ka shumë kërkesa për një version mini të pajisjes, në Evropë. ” – bën të ditur kompania.

Thuhet se Galaxy S III Mini do të ketë rezolucion prej 800x400 piksel, procesor dual core, kamer 5 megapiksel si dhe versionin më të fundit të Android, Jelly Bean.

Nesër do të kemi listën e plotë të specifikimeve dhe fotografitë aktuale të produktit të ri nga Samsung, kur pajisja do të shfaqet zyrtarisht për publik.

/er.nu