Grekët nuk e duan shqipen në pasaportat shqiptare

- Emërtimet në shqip të emrit të shtetit grek dhe qyteteve në pasaportat e reja biometrike ka penguar dhjetëra persona që të mund të kthehen pranë shtëpive të tyre në Greqi. Në piken e kalimit kufitar në Kakavijë janë me dhjetëra raste kur fëmijë të mitur, të lindur në Greqi, nuk pranohen të udhëtojnë në Greqi duke kthyer mbrapsht të gjithë familjen. Dy raste janë nga qyteti i Beratit, kurse kryefamiljaret tregojnë për incidentin që ndodhi në Kakavijë.

Ata që janë dëbuar janë dy fëmijë, një 6 vjeç dhe një tjetër 1 vjeç. Prindërit e tyre u bëjnë thirrje autoriteteve shqiptare që gjatë vizitave në Greqi të zgjidhin këto probleme të mëdha që po ndajnë më dysh familjet dhe që bëjnë të rrezikojnë gjithçka që kanë arritur në vite të tëra emigrimi në Greqi.