Unioni Gjithëshqiptar “Vëllazërimi Ynë" përmes një letre apelon për zgjidhjen e çështjes çame në Bal

Sun 21 Oct 2012 - 19:47

Unioni Gjithëshqiptar “Vëllazërimi Ynë", me seli në Bern të Zvicrës, përmes një letre apelon për zgjidhjen e çështjes çamen ë Ballkan, si pjesë e zgjidhjes së përgjithshme të çështjes shqiptare. Unioni, përmes një letre proteste, do të ngrit zërin për çështjen çame dhe se ky reagim proteste do t’i dorëzohet ambasadës së Greçisë të akredituar në Kryeqytetin Helvetik, në Bern, e cila më pas i drejtohet Ministrisë së Jashtme të Greqisë, Parlamentit grek, ambasadave të shteteve mike të shqiptarëve, Amerikës, Mbretërisë së Bashkuar, Turqisë, Gjermanisë, Francës etj si dhe organizmave diplomatike ndërkombëtare në New York, Gjenevë dhe Bruksel.
Unioni kërkon që Qeveria greke të pranojë zyrtarisht dhe sa më parë gjenocidin grek mbi popullsinë e pafajshme të Çamërisë në periudhën kohore 1944-45, duke vrarë, shpronësuar dhe dëbuar në drejtime të ndryshme (mbi 300mijë jetojnë vetëm në Republikën e Shqipërisë) qindra -mijëra banorë vendës ,dhe duke e populluar vendin me ardhacakë grekë; Parlamenti i shtetit grek, përmes një deklarate publike të kërkojë falje në emër të popullit grek, që ne shqiptarët brez pas brezi e konsiderojmë si popull-mik; T`u njihet pronësia pronarëve të ligjshëm dhe të mundësohet kthimi i organizuar i tyre në tokat e veta përmes organizatave ndërkombëtare, siç është Kryqi i Kuq Ndërkombëtar, Organizata Ndërkombëtare për Liritë dhe të Drejtat e Njeriut ,si dhe organizata të tjera që zhvillojnë aktivitete humanë pranë OKB-së; Të ndalet një herë e përgjithmonë shtypja dhe diskriminimi mbi shqiptarët e besimit ortodoks që jetojnë të shpërndarë në të gjithë territorin grek si dhe kërkesa tjera, transmeton INA. Ndërkaq, nga bashkësia ndërkombëtare kërkohet një ndërgjegjësim dhe përgjegjësi direkte lidhur me këtë plagë një 100-vjeçare të popullit shqiptar, thuhet në fund të reagimit të Unioni Gjithëshqiptar “Vëllazërimi Ynë".