“Ma zhdukni, të mos i mbetet asnjë qime floku”

Një oficer i ushtrisë së Koresë së Veriut thuhet se është ekzekutuar me një predhë murtaje, për shkak se nuk kishte respektuar nderimin e Kim Jong-il, duke pirë alkool gjatë ditëve të zisë.

Mediat e Koresë së Jugut shkruajnë se Kim Chol, zëvendësshef i shtabit të forcave të armatosura, u detyrua që të qëndronte në një pikë ku do e godiste predha.

Lideri i ri i Koresë së Veriut, Kim Jong-un, kishte dhënë urdhrin për ekzekutimin e tij duke thënë se ‘dua të zhduket në mënyrë që të mos i mbetet pas as edhe një qime’.

Përgjatë 100 ditëve pas vdekjes së Kim Jong-il, që njihet dhe si “Lideri i Dashur”, askush nuk mund të gëzonte dhe as t’i nënshtrohej disa aktiviteteve si konsumi i alkoolit.

Por Kim Chol nuk rezistoi dot dhe ktheu një gotë alkool.

Raportohet se periudha e zisë prej 100 ditësh ka krijuar një klimë terrori të vërtetë në vend. Shumë njerëz janë dërguar në kampe të punës së detyruar, pasi kanë thyer zinë.