Nxënësja shqiptare që i sfidoj neonazistët grek

Thu 1 Nov 2012 - 14:30

Në një shkollë në Larisa ka ndodhur një incident i hidhur racist. Sipas ligjit të shtetit grek, me rastin e paradës së 28 tetorit, nxënësi më i mirë i shkollës duhet të mbajë flamurin grek. Këtë radhë qëlloi që nxënësja më e mirë të ishte shqiptare. Për shkak të prejardhjes, shokët e klasës e kërcënuan duke i thënë se po të mbante flamurin ata do të thërrisnin “Agimin e Artë”.
Lajmi që nxënësja shqiptare do të mbante flamurin gjatë paradës kishte ngjallur reagime tek nxënësit për 2 jave me radhë. Pas kërcënimeve, drejtori i shkollës, Kostas Panos, iu drejtua drejtorisë arsimore të Larisas për t’i dhënë zgjidhje kësaj çështjeje. Përgjigja ishte se "duhet të zbatohet ligji", i cili kërkon që flamuri të mbahet nga nxënësi me rezultatet më të mira.
Si përfundimisht nxënësja shqiptare nuk e mbajti flamurin duke u shprehur se “respektonte flamurin, drejtorin, mësuesit, shokët dhe shoqet e jo sepse kishte frikë”.