Erdhi dhe e-maili …@facebook.com

Një sistem i ri për të shkëmbyer e-mail do të vihet së shpejti në përdorim, duke u bërë pjesë e mënyrave të shumta për të komunikuar virtualisht. Ky lajm u publikua sot në faqen zyrtare të rrjetit social Facebook. Pra, po krijohet posta elektronike facebook.com.
Sipas “babait” të këtij rrjeti, Mark Zuckerberg, sistemi i ri do të përfshijë “mesazhet që dërgohen me çdo mënyrë komunikimi që përdorin njerëzit midis tyre”. Ky sistem do të funksionojë që nga dita e sotme me qëllim që të perfeksionohet muajt në vazhdim.

Çdo ditë 350 milion përdorues të Facebook dërgojnë midis tyre 4 miliardë mesazhe, numër ky që rritet çdo ditë me hapa të shpejtë dhe të qëndrueshëm, theksojnë analistët.
Ftesa që iu dërgua disa gazetarëve, kishte formën e një zarfi poste dhe kjo krijoi dyshimet e para se ngjante më shumë me e-mail. Kështu, Facebook po përgatitet për t’u përballur me një betejë të re me Google!