Nusja rreh me çekiç vjerrën, pse i përdori krehërin

Një nuse ka tentuar të vrasë vjerrën e saj 56-vjeçare, se përse ajo i ka përdorur krehërin. Nusja në nerva e sipër ka marrë një çekiç e ka qëlluar disa herë mbi kokën e vjerrës dhe fatëmirësisht ka qenë kunata tjetër ajo që e ka ndaluar këtë të fundit për të mos e vrarë fare vjerrën. 56-vjeçarja është shoqëruar menjëherë në Urgjencën e Durrësit ku i është nënshtruar mjekimit në kokë, ndërsa mjekët thanë se fatmirësisht Fatime Tanuzi ka shpëtuar vetëm me dy të çara në kokë, pa iu dëmtuar truri. Ndërkaq policia ka marrë denoncimin e së dëmtuarës dhe po punon për zbardhjen e plotë të ngjarjes. Gruaja e dëmtuar e familjes Tanuzi i bën apel policisë për marrjen e masave që mund të frenojnë dhunën në familjen e tyre. Pas ngjarjes, në spital janë mbledhur familjarët e 56-vjeçares, të cilët janë shprehur se kanë mbetur vërtet të shokuar nga ky akt që ka bërë “nusja e shtëpisë”./alb-observer.com/