Jack Nicholson dhe pishmanet nga jeta

Jack Nicholson është një nga yjet e kinemasë më të suksesshëm dhe një nga “qejflinjtë” më me nam në Hollivud. Lidhjet e tij përfshijnë 17 vite me Anjelica Houston, këngëtaren Michelle Philips, modelen Janice Dickinson dhe aktoren Lara Flynn Boyle.

Aktori 75-vjeçar tashmë (ka fituar gjithsej 3 çmime Oscar) tregon për The Sun pishmanet që ka në jetë: “Do doja të kisha mësuar një gjuhë të huaj dhe të mësoja si të gatuaja. Gjithashtu do doja të kisha qenë më pak nevrik sepse nga temperamenti im më është dashur të kërkoja falje shumë herë.”

Gjithashtu aktori theksoi se do të donte që ta njihte më mirë vajzën e tij të madhe (tashmë 48-vjeçare): “Kam qenë i përqendruar tërësisht tek karriera dhe nuk kam pasur gëzimet e prindërve të zakonshëm.”