Benzema ankohet: Nuk po luaj sa duhet

Karim Benzema, sulmuesi i Real Madrid, është ankuar duke thënë se po qëndron më shumë në stol sesa në fushën e lojës në këtë sezon.

“Dua të luaj më shumë. Që nga fillimi i këtij sezoni kam qëndruar më shumë në stol, por do të punoj për të shfrytëzuar sa më mirë minutat që do më japë trajneri”, theksoi francezi në një intervistë për ‘L’Equipe’.

Gjithsesi, Benzema deklaroi se Jose Mourinho nuk e ka “braktisur”: “Gjithmonë më ndjek dhe nuk më lë të dorëzohem. Kërkon gjithmonë maksimumin nga mua.”

Në lidhje me rendimentin e tij kur luan në kombëtaren e Francës, Benzema sqaroi: “Shënoj më pak gola, por përfshihem më shumë në lojë kur jam me përfaqësuesen. Jap më shumë pasime për gol. Unë mund të luaj edhe në qendër, të shënoj më shumë, por do të jetë e gjitha në dëm të skuadrës.”