Ankohet Mamica E Vërtetë

“Mamica” e famshme, kënga e Klajdi Harunit, kompozuar nga Flor Mumajesi që përveçse shkundi sallën e Pallatit të Kongreseve në Tiranë, ku u zhvillua “Top Fest 9″, mori edhe Çmimin e Internetit si kënga e klikuar më shumë.Por Mamica nuk është vetëm titull kënge. Bashkëshorti i një zonje të moshuar nga Korça, qytet prej nga është edhe Klajdi Haruni, ka kontaktuar me djemtë dhe është ankuar lidhur me fjalët e tekstit.Këtë gjë e ka konfirmuar edhe vetë Klajdi.“Po është e vërtetë, Mamica (jo ajo e këngës) është ankuar vërtetë. Ne nuk i jemi referuar asnjë personazhi konkret”, ka thënë ai për ”Panorama”.“Qëllimi fillestar i kësaj kënge, pas dy të tjerave që kam nxjerrë më parë, ishte të bënim diçka argëtuese, me ritëm, tamam për verë. Dhe me sa di, ia kemi arritur qëllimit. Kemi përcjellë mjaft energji pozitive. I gjithë teksti, videoklipi e muzika kanë nota gazmore dhe nuk kanë asnjë qëllim për të bërë shaka me vajzat, jo më pastaj me një zonjë të moshuar,” ka përfunduar Klajdi.

plaku i shkrete