Rita, gazetares: E dua Kosovën, pastaj Londrën

Frankfurt, 12 nëntor – Kjo është vajza shqiptare nga Kosova, Rita Ora, e cila po na bën të gjithë të ndihemi krenar.

Ishte e nominuar në dy kategori por, kësaj radhe nuk mori çmim në “MTV EMA Awards”. Megjithatë, performanca e saj në skenën e EMA-s në Frankfurt, ishte e mahnitshme.

E veshur me të kuqe, u lëshua në pistë nga qielli dhe ka performuar live hitin e saj “R.I.P”. Performanca e saj, që edhe hapi spektaklin, u shoqërua mbrapa nga një grup kërcimtarësh.

Ne një interviste për “VIVA TV” nuk harroi të flas edhe për vendin e origjinës, Kosovën, siç rëndom bën gjatë paraqitjeve të saj nëpër media. Është për t’u admiruar ky gjest i këngëtares, pasi tani për Kosovën po flitet nëpër evenimente botërore të kulturës dhe showbiz-it qe dikur vetëm mund të ëndërronim.