Nje “UFO” perplaset ne Malin e Bardhe, shperthen misteri

Një objekt i paidentifikuar duhet të jetë përplasur në një pjesë të largët të Malit të Bardhë. Dëshmitarët flasin për një disk të zjarrmishëm, të ngjashëm me një top aerostatik. Ky episod ka nxitur imagjinatën kolektive, aq sa tashmë flitet për një takim të radhës me jashtëtokësorët.
Trupi që duhet të ketë rënë në mal mund të ketë qenë një UFO. Kërkimet kanë nisur menjëherë, por janë pezulluar menjëherë sepse nuk ka dalë praktikisht asgjë në dritë. Autoritetet zonale kanë bërë një kontroll me helikopter për 45 minuta, por ka qenë e vështirë të dallohet ndonjë gjë, përderisa këto zona janë të mbuluara nga një vel bore, që arrin shpesh deri në 30 centimetra.
Objektin e pazakontë duhet ta ketë vënë re një administrator skish me qira, bashkë me dy njerëz të tjerë, të cilët e kanë përshkruar objektin si “një top të madh të errët, që gjendej gati 500 metra lartësi, nga i cili dilnin flakë, që më pas u shuan, ndërkohë që objekti ra dhe u zhduk në sipërfaqe”.