21 dhjetor, do te ndalohet hyrjja në “rifuxhon” anti-Apokalips

Një majë mali në jug-lindje të Francës, e konsideruar si një rifuxhio e mundshme kundër fundit të botës së profetizuar nga fisi Maya, do të jetë e bllokuar më 21 dhjetor për të shmangur një fluks të pakontrolluar të “të iluminuarve dhe kuriozëve”. Këtë e ka bërë të ditur perfekti i departamentit të Aude.
Ngjitja në malin e Bugarach (1231 metra i lartë) do të jetë e ndaluar që tre dië përpara, si dhe 1-2 ditë pas 21 dhjetorit, datë e fundit të botës sipas atyre që besojnë te Apokalipsi i përfolur si profeci e Mayave. Qindra policë e zjarrfikës do të kontrollojnë fshatin prej 200 banorësh, qetësia e të cilit është prishur paksa gjatë kohëve të fundit për shkak të vendit që shihet si “shpëtim ndaj Apokalipsit”.(tmNews)/ikub.al