Ashton-Rehn-Fule: Mirëpresim vendimin e BERZH për Kosovën

BRUKSEL- Baronesha Catherine Ashton, Zëvendës Presidenti i Komisionit Europian Oli Rehn dhe Komisioneri Stefan Fule kanë përshëndetur sot vendimin që Kosova të jetë pjesë e BERZH.

"Ne mirëpresim këtë vendim të Guvernatorëve të Bankës Europiane për Rindërtim dhe Zhvillim. Kjo do të lejojë që Kosova të përfitojë financime të mëdha, si dhe do të kontribuojë në nxitjen e zhvillimit socio-ekonomik të Kosovës. Ky është një hap tjetër që do të ndihmojë Kosovën për të trajtuar sfidat në rrugën e saj evropiane. Ne do të punojmë ngushtë me BERZH për të mirën e popullit të Kosovës”, thuhet në deklaratën e përbashkët.
(m.a/BalkanWeb)