Banka e Shqipërisë: Më 19 nëntor, në qarkullim monedha e re 5-lekëshe

Në faqen zyrtare të Bankës së Shqipërisë është publikuar njoftimi se do të hidhet në qarkullim një monedhë e re 5-lekëshe.
Kjo monedhë do të hidhet në qarkullim më 19 Nëntor, me kurs ligjor, emetim i vitit 2011.

Monedha e re metalike e prerjes 5 Lekë, ka të njëjtat pamje dhe përmasa me monedhën metalike të prerjes 5 Lekë, emetim i vitit 1995, hedhur në qarkullim më 01.01.1997 dhe rishtypjes të saj në vitin 2000, hedhur në qarkullim më 01.01.2001.
Ndryshimi i vetëm me emetimet e mëparshme është viti i emetimit në trupin e monedhës që do të jetë “2011”.
Duke filluar nga data 19 nëntor 2012, monedha metalike e prerjes 5 Lekë, emetim i vitit 2011, do të përdoret si mjet pagese paralelisht me të gjitha monedhat metalike ekzistuese në qarkullim të kësaj prerjeje, të emisioneve të mëparshme.