Gruaja e Akullt: “Ja vrava dhe masakrova burrin dhe të dashurin tim”

Ajo quhet nga mediat austriake “Gruaja e akullt”. Quhet Karrantza Estimpaliz është 34 vjeç dhe ka vrarë e më pas ka copëtuar burrin dhe të dashurin, për ti varrosur më pas trupat e tyre në bodrumin e dyqanit të saj të akulloreve.
Karrantza pronare e një dyqani akulloresh në Vjenë, ndërsa doli dje përpara trupit gjykues tregoi me gjakftohtësi atë që kishte ndodhur. Sipas saj të dy burrat e kishin poshtëruar, ish-bashkëshorti ushtronte dhunë verbale mbi të, ndërsa i dashuri, ishte i pabesë.
Ajo rrëfeu se si sjellja e burrit të saj kishte ndryshuar plotësisht pas martesës. Një të diel, pas polemikave mbi një çështje, ajo e nuk duroi dot më por mori pistoletën tip Bereta dhe e qëlloi dy herë në pjesën e pasme të kokës dhe në kurriz, ndërsa ai ishte i ulur në kompjuter. Ndrësa kohë më pas, teksa kishte krijuar një lidhje të re ajo gjeti në telefonin e tij mesazhe erotike dhe fotografi të një femre tjetër.
“U përpoqa të bisedoj me të por ai filloi të qajë dhe shkoi direkt në krevat. Pastaj u kthye në anën e tij dhe filloi të gërhiste. Kjo më bëri të zemëruar…Mora pistoletën dhe e qëllova tek flinte”, rrëfeu ajo.
Me të dy trupat ajo kishte vepruar njësoj. I kishte copëtuar me një sharrë elektrike dhe i kishte vendosur në frigorifer, derisa përfundimisht i varrosi në bodrum. Ata u gjetën nga disa punëtorë që po riparonin bodrumin e dyqanit të cilët lajmëruan menjëherë policinë./alb-observer.com/

ka trrefyer ngjarjen krejt ftoft sepse aty eshte ngrire hga akulloret