E la gruaja se ishte i shëndoshë, burri transformohet në “model”

Rob ‘Mitch’ Jones, 37 vjeç është cilësuar si njeriu me vullnetin më të hekurt për vitin 2012, pasi arriti të humbasë një peshë të konsiderueshme.
Rob u braktis nga e shoqja sepse ishte i shëndoshë dhe aspak tërheqës, ndërsa ai brenda 10 muajsh u shndërrua në një “model”. Ai tregon se për shkak të peshës së tij hoqi dorë nga ëndrra për të luajtur futboll profesionist.

“Kur ime shoqe më la isha i shkatërruar, ne kishim bashkë 13 vjet dhe të martuar 2. Kur ajo më tha se mes nesh nuk mund të vazhdonte më, ishte pjesa më e errët e jetës sime. Ajo më tha se donte të kishte fëmijë por jo me mua, sepse unë isha i shëndoshë dhe aspak tërheqës. Mu duk sikur u përmbys bota”, tregon Rob, citon noa.al.

Pas divorcit ai tha se nuk shqetësohej nëse ishte i shëndoshë sepse nuk kishte asgjë. Rob tregon se një mëngjes teksa shihte veten në pasqyrë kuptoi se nuk mund të vazhdonte më shumë kështu, kështu që vendosi të nisë dietë dhe ushtrime fizike, ndërsa në përfundim të saj të afërmit nuk e njihnin më.
Ai tregon se transformimi ishte i shpejtë dhe i pabesueshëm, ndërsa shprehet se edhe pse ka qenë gjithë kohës i shëndetshëm qysh kur ishte 15 vjeç, tani e ndien veten më të bukur.

37 vjeçari rrëfen se ndihet sikur po e nis jetën nga e para, ka një të dashur të re ndërsa i është rikthyer futbollit.

Pavarësisht se kaloi vuajtje nga divorci, thellë brenda vetes Rob i është mirënjohës së shoqes, sepse pas braktisjes së saj u ndërgjegjësua dhe u bë tamam si model.