Genocidi grek ndaj camëve, i vetmi që s’është dënuar në Ballkan

Ndërsa Greqia është shprehur kategorikisht se cështja came nuk ekziston dhe nuk ka për të ekzistuar asnjëherë, PDIU, KPR dhe shoqata “Çamëria” kanë zhvilluar ditën e sotme një protestë në hyrjen e pasme të Ambasadës Greke në Tiranë. Kjo protestë u zhvilluar edhe në kuadër, të 9 dhjetorit, Ditës Ndërkombëtare kundër Gjenocidit.

Deputeti i PDIU-së, Dashamir Tahiri u shpreh përpara tubuesve se gjenocidi I vetëm I padënuar në Ballkan është ai i grekëve kundër camëve. Tahiri nënvizoi se çamët kërkojnë shtëpitë dhe pronat e tyre në Çamëri, të cila u janë marrë padrejtësisht.

“Ne nuk kërkojmë shtëpi në Athinë, ne kërkojmë shtëpitë e baballarëve tanë në Prevezë, aty ku i kanë pasur. Kjo është një çështje e drejtë. Askush nuk mund ta quajë ndryshe. Hebrenjtë u kthyen në trojet e tyre amtare pas dymijë vjetësh dhe ne do të kthehemi shumë shpejt. Qeveria e atëhershme kuinslinge greke i dëboi dhe i vrau shqiptarët e Çamërisë, duke shfarosur 20 për qind të popullsisë. Por edhe qeveria e sotshme greke nuk po kërkon ndjesë, ndonëse e cilëson veten si demokratike.” – u shpreh Tahiri duke theksuar njëkohësisht se një rezolutë për zgjidhjen e çështjes çame, që do të prezantohet nesër në mëngjes në Kuvend./alb-observer.com/

Po nje Sali Berisha eshte ai, tani e mesuat!