Masakrohet 16-Vjeçarja Shqiptare

Gjenden te masakruar ne fshatin Legada te Selanikut ne Greqi, dy te rinj te moshave 15 dhe 16 vjeç. Nga te dhënat e policisë, behet e ditur se vajza 16 vjeçare Kristiana Niçani ishte shqiptare, nga fshati Drenove i Korçës dhe jetonte ne Selanik prej shume vitesh, ndërsa djali ishte nga Xanthi i Greqisë. Prej një muaji, adoleshentet e vrare ishin raportuar te zhdukur nga familjaret e tyre. Ka qene një banor i zonës, qe teksa mblidhte dru ne pyll, ka zbuluar viktimat, duke dhënë dhe dëshmitë e para. Forcat e policisë se shtetit helen kane kryer ekspertizën duke identifikuar nëpërmjet ADN kufomat e dekompozuara. Sipas hetimeve, te rinjtë ishin vrare dhe ishin hedhur ne këtë zone rurale për te humbur gjurmët e krimit. Ndërsa mjeku ligjor ka konfirmuar se adoleshentet kishin marre goditje ne koke dhe ne gjoks me një objekt te forte i cili dyshohet se mund te ketë qene sëpatë. Mësohet se te rinjtë kishin miqësi te forte me njeri-tjetrin. Hetimet vazhdojnë dhe departamenti i policisë se krimeve kundër jetës dhe sigurisë ne Selanik është duke kërkuar vrasësin apo vrasësit si dhe motivet e kësaj vrasjeje te dyfishte.