“Mbikalimi”, ekspozita personale e Lekë Tasit
Tue 11 Dec 2012 - 15:40
Lekë Tasi ekspozon krijimet e reja në pikturë në ekspozitën e quajtur “Mbikalimi”, e kuruar nga Stefan Çapaliku. Nesër në Galerinë “Zeta”, ora 18;30. “Botë e parë me sytë prej sferash të qelqta të një fëmije të moshuar. Arti si lojë, si festë dhe si simbol. Këto tre elemente të transhedentales së veprës artistike vijnë e shfaqen në pikturat e Lekë Tasit nëpërmjet karaktereve groteskë të vendosur ndër rrethana tensioni dramatik, në një botë metafizike që mbaron dhe zhduket matanë linjave të kornizës. Piktura e tij është një fakt i ri semiotik në historinë e artit bashkëkohor shqiptar”, shkruan kuratori Çapaliku. Lekë Tasi (1929) është artist aktiv në letërsi, publicistikë e pikturë, me një dhunti për muzikën. Është autor i librit me kujtime “Grabiani rrëzë kodrave”, dhe i romanit “Korridori me vetratë”. “Mbikalimi” vjen një vit pas ekspozitës së fundit personale. Qëndron hapur deri më 22 dhjetor.
Veleria Dedaj
Drejtat e ktij Forumit:
Ju nuk mund ti përgjigjeni temave të këtij forumi
|
|