Hungaria njeh Republikën e Maqedonisë

Qeveria e Hungarisë e ka pranuar Maqedoninë me emrin “Republika e Maqedonisë”, ka bërë të ditur zëdhënësi i Ministrisë së Punëve të Jashtme të këtij vendi, Gabor Kaleta.

Budapesti deri më tani ka përdorur emrin “Ish Republika Jugosllave e Maqedonisë”, zgjidhje kjo e përkohshme me të cilën është pranuar Maqedonia në OKB në prill të vitit 1993. Ky emërtim në OKB mbetet në fuqi deri në zgjidhjen e kontestit ndërmjet Shkupit dhe Athinës rreth të drejtës për përdorim të emrit “Maqedoni”.

“Hungaria tani ka pranuar Maqedoninë si ‘Republika e Maqedonisë’ të cilën emër do ta përdorë në marrëdhëniet bilaterale”, ka thënë Kaleta, i cili ka shtuar se Qeveria së shpejti do të ofrojë detale rreth këtij vendimi. (INA)