Xhaxhai i Berishës shpallet ‘Qytetar Nderi’ në Tropojë

Sot në orët e mesditës, në pallatin e kulturës “Dardania” ishin mbledhur dëgjues të shumtë nga Tropoja, Kosova,Tirana, madje deri nga kontinente të largëta të botës shqiptare, në akademinë përkujtimore në nderim të Zeqir Halil Berishës, xhaxhait të kryeministrit Sali Berisha, për dhënien e titullit “Qytetar nderi” nga komuna Tropojë.

Në këtë aktivitet solemn dhe të veçantë, merrnin pjesë drejtues të pushtetit vendor dhe institucioneve të ndryshme nga Tropoja dhe Kosova, deputetë të parlamentit shqiptar dhe kosovar, veteranë, ish-ushtarë dhe komandant të UÇK-së pjesëtarë të afërm të fisit Berisha, etj..

Ndodhej edhe Ramush Haradinaj, ish-komandanti i UÇK-së për Rrafshin e Dukagjinit, i cili ka qëndruar dhe strehuar në kullën e Berishajve gjatë luftës së bashku me komandantë dhe ushtarë të tjerë, si dhe Liri Berisha, bashkëshortja e kryeministrit Sali Berisha.

Referuesit nxorën në pah kontributin që ka dhënë fisi Berisha dhe veçanërisht Zeqir Halili gjatë historisë së Tropojë dhe më gjerë. Ai gjatë gjithë jetës së tij afërsisht 100 vjeçare ( jetoi 97 vjeç dhe ka vdekur në vitin 1984),ka luftuar me pushkë dhe me mendje për çështjen kombëtare, e veçanërisht për popullin e shumëvuajtur kosovar.

Që nga babai i tij,Zeqir Isufi,gjyshi dhe brezat me radhë kanë derë bujare dhe kulla e tyre në Viçidol të Tropojë,në kufirin me Kosovën ,ka qenë e përmendur për burrëri,mikpritje ,besë dhe trimëri,u theksua nga folësit në këtë aktivitet.

Ramush Haradinaj revokoi pjesë nga koha kur ai me shtabin e luftës ishte dislokuar në kullën e Berishjave gjatë viteve 1998-1999,kurse Liri Berisha solli kujtime për Zeqir Halilin,për të cilin së bashku me vëllain, Ramën vlerësonte karakterin e tyre njerëzor,dashurinë prindërore dhe virtytet më të mira të këtyre burrave të fisit Berisha. Unë,tha ajo,jam krenare që jam nuse e Berishjave.

Të pranishmit dëgjuan në video përshëndetjen e kryeministrit Berisha,i cili i entuziazmuar solli kujtimet e tij për axhën Halil. Në fund u përcoll një dokumentar për jetën dhe aktivitetin e patriotit ,tashmë “Qytetar nderi” i Tropojës ( pas vdekjes),Zeqir Halili.

/Shekulli Online/Përgatiti: Gj.N/

Sala do të shpall qytetarë nderi,sa të e ketë atë mundesi,deri sa të i del lëmshi nga dora.

E gezoft,..