5 shtatori shpallet “Dita Ndërkombëtare e Bamirësisë”

Tashmë data e vdekjes së Nënë Terezës 5 shtatori do të jetë Dita Ndëkombëtare e Bamirësisë.

Vendimi në fjalë është marrë sot nga Asambleja e Përgjithshme e Kombeve të Bashkuara duke e shpallur këtë ditë si një ditë të shenjtë.

Ministria e Punëve të Jashtme përmes një deklarate për mediat e ka përshëndetur këtë vendim, me të cilin, sipas saj, vendet anëtare të OKB-së, duke njohur e vlerësuar rolin e pazëvendësueshëm të akteve të bamirësisë në zbutjen e krizave humanitare dhe vuajtjeve njerëzore, i bëjnë një homazh të merituar aktivitetit e trashëgimisë së Nënë Terezës, e njohur ndërkombëtarisht dhe e vlerësuar botërisht për përkushtimin dhe punën e saj gjatë gjithë jetës në ndihmë të të sëmurëve, të varfërve e njerëzve në nevojë./alb-observer.com/