Thaçi: Nuk do të jem kandidat për kryeministër

Sun 30 Dec 2012 - 11:26

- Kryeministri i Kosovës, Hashim Thaçi, ka thënë se nuk do të jetë kandidat për kryeministër në zgjedhjet e ardhshme.“Një gjë është e sigurt, se PDK-ja do t’i fitojë zgjedhjet edhe në mandatin tjetër, por unë nuk dua të jem kandidat për kryeministër”, ka thënë Thaçi. Ai ka thënë se beson që AAK-ja do të jetë pjesë e kësaj qeverie, pasi për këtë ekziston vullnet i dyanshëm për partneritet qeverisës.

Kreu i Ekzekutivit të vendit dhe i Partisë Demokratike të Kosovës nuk e ka mohuar mundësinë që Kadri Veseli të jetë kandidati i mundshëm i PDK-së për kryeministër të vendit.

“Z. Veseli dhe një pjesë e madhe e lidershipit të PDK-së kanë kapacitete të fuqishme për udhëheqje, ekzekutive, presidenciale dhe legjislative. Kyçja e z. Veseli në PDK paraqet energji dhe kreativitet organizativ dhe ideor për realizimin e qëllimit dhe vizionit evropian për PDK-në - Kosovën evropiane”, ka thënë Thaçi në një intervistë për “Epoka e re”.

Thaçi, ka thënë se PDK-ja edhe në mandatin tjetër do të t’i fitojë zgjedhjet. “Një gjë është e sigurt, se PDK-ja do t’i fitojë zgjedhjet edhe në mandatin tjetër”, është shprehur ai.

Kryeministri Thaçi, ka thënë se beson se AAK-ja do të jetë pjesë e kësaj qeverie. “Unë besoj se po. Ekziston vullnet i dyanshëm për partneritet qeverisës”, ka thënë Thaçi.

Thaçi, ka bërë të ditur se PDK-ja nuk do të ia lëshoi askujt postin e kryeministrit. “Mendoj se të gjithë qytetarët e dinë realitetin në Kosovë. Gjithashtu, edhe gjithë faktori ndërkombëtar e di realitetin në Kosovë. Secili do të vlerësohet sipas fuqisë politike. Kjo çështje nuk është punë e muhabeteve private, por parimore dhe e legjitimitetit qytetar. AAK-ja mendoj se mund të gjejë hapësirë meritore në kuadër të Qeverisë së Kosovës”, është shprehur Thaçi.

Duke folur për ofertën e Haradinajt, ai ka thënë se askush askujt nuk mund t’i bëjë kushtëzime, kurse partneritetet janë vullnete të partive politike.

“Ne jemi takuar me z. Haradinaj dhe kemi biseduar. Është shprehur vullnet të punojmë bashkërisht dhe kemi marrë përgjegjësi për normalizimin e marrëdhënieve të Kosovës dhe Serbisë, për çfarë është ngarkuar edhe z. Shala si koordinator politik nga presidentja e Republikës së Kosovës. Kemi diskutuar dhe jemi dakorduar me z. Hardinaj të bashkëpunojmë për të ardhmen evropiane dhe reformat zgjedhore, ndërsa sa i përket koalicionit nuk kemi biseduar, përpos që është treguar vullnet për një partneritet strategjik në mes PDK-së dhe AAK-së. Ne tani jemi në prag të organizmit të Kuvendit Zgjedhor të PDK-së, i cili do të mbahet më 26 janar të vitit të ardhshëm. Pas këtij kuvendi organet e partisë do t’i marrin vendimet përkatëse. Partia e cila udhëheq vendin e prezanton ofertën për të tjerët, për t’iu bashkangjitur Qeverisë, e jo të tjerët për të”, ka thënë Thaçi.

Sun 30 Dec 2012 - 14:44

kudo Ibishi
te fotelet te mishi
u bëmë të plasim të krisim
Ibishi na e ngrëni mishin
pyet kombi,pyet fisi
deri kur Ibishi

Na i kanë mbyllur sytë me gisht
veç Ibishat po hanë mish
Kështu populli është mërzitur
lerëni të hajë edhe ndonjë i uritur

Kështu ka ardhur koha pak për ndërrime

Thaçi: Nuk do të jem kandidat për kryeministër

Thaçi: Nuk do të jem kandidat për kryeministër

Re: Thaçi: Nuk do të jem kandidat për kryeministër