AK: Agimi i Artë kujdes, të mos kalojë kufirin

Wed 2 Jan 2013 - 15:24

Aleanca Kuqezi në Shqipëri përmes një deklarate është shprehur kundër akuzave dhe fyerjeve raciste të partisë neofashiste greke Agimi i Artë.
Formacioni politik grek akuzoi shqiptarët si ka[akë dhe mbeturina të Perandorisë osmane, ndërsa paralajmëruan hapjen e degëve të tyre edhe në Shqipëri.
“AK-ja nënvizoi se është një parti që kërkon fqinjësi të mirë në rajon, por jo marrëdhënie me parti naziste që kërkojnë të shtrijnë metastazat në shtetin shqiptar. Nuk do ta lejojmë një gjë të tillë, madje edhe e kemi paralajmëruar Agimin e Artë që të mos kalojë kufirin. Agimi i Artë duhet ta fiksojë mirë se në Shqipëri do ti digjet toka nën këmbë dhe se teshtima e grekëve, maksimumi mund të trembë qeverinë e Berishës”, theksoi Aleanca Kuq e Zi.
Përveç Agimit të Artë, në deklaratën e kuqezinjve është shënjestruar edhe kryeministri i Shqipërisë. AK-ja e ka cilësuar Sali Berishën si një nga “partnerët” e Agimit të Artë, të cilin me 23 qershor nuk do ta kenë më. Një nga ndërmarrjet e kuqezinjve, nëse do të kishin shumicën në Parlament, do të ishte gjetja e një zgjidhjeje për Çështjen Çame.(INA)