Berisha në Facebook: Leo Mesi me mbiemër shqiptar 4 herë radhazi fitues, PD 4 herë radhazi fituese n

Kryeministri Berisha po bëhet përherë e më aktiv në
rrjetin social Facebook. Mbrëmë ai ka komentuar fitim e Topit të Artë
nga Leo Mesi duke e krahasuar fitoren e tij me fitoren që sipas Berishës
do të korrë në zgjedhjet e ardhshme të 2013-ës.

Kryeministri Berisha që deri para pak kohësh ironizonte liderin e
Partisë Socialiste, Edi Rama si “ciu-ciu” në Tëitter, tashmë nuk po lë
gjë pa komentuar vetë në Facebook.

Berisha nuk ka ngurruar që këtë aktivitet botëror ta politizojë dhuke
thënë se ashtu si argjentinasi, që sipas tij ka mbiemër shqiptar, fitoi
katër herë radhazi Topin e Artë, ashtu edhe Partia Demokratike do të
fitojë këtë vit për të katrën herë radhazi zgjedhjet parlamentare.

“Të dashur miq. Sonte ishte nata e yllit të yjeve të futbollit,
argjentinasit Leo Mesi, që u shpall për të katërtën herë kryefutbollisti
i botës “Topi i Artë i futbollit botëror”. Leo Mesi, (apo nuk e ka
mbiemrin si shqiptar) herë- herë më duket si hyjni tokësor i futbollit
dhe suksesit të tij, pasi tek ai janë shkrirë mrekullisht njerëzorja,
por dhe mbinjerëzorja, talenti i rrallë, performanca fizike dhe
psikologjike e përsosur me shpirtin e fitimtarit. Duke uruar së bashku
superyllin e futbollit të planetit për rekordin e tij historik, më duhet
t’ju pohoj miqtë e mi të dashur se unë shoh tek secili prej jush një
Leo Mesi të vërtetë në fitoren e betejës së ardhme elektorale, e madje,
në shembullin e tij, edhe të katërtën, pra tjetrën pas saj. Gëzuar”, shkruan Berisha në Facebook.