Tjetër paralajmërim Koresë së Veriut

Shtetet e Bashkuara dhe Koreja e Jugut kanë paralajmëruar Korenë e Veriut për “pasoja të mëtejshme” nëse kryen një test të tretë bërthamor, sikurse sugjeroi lideri në ikje i Seulit.

Lee Myung Bak, që lë detyrën më vonë gjatë muajit, deklaroi se Peniani mund të jetë duke planifikuar “teste të shumëfishta në dy lokacione ose më shumë”.

Koreja e Veriut deklaroi në muajin janar se po planifikonte një test bërthamor të nivelit të lartë. Më parë ajo ka mbajtur teste të tilla në vitin 2006 dhe 2009.

Të dy erdhën pas testimit të raketave me rreze të gjatë veprimi, veprime këto që u dënuan nga OKB, që nga ana tjetër ndaloi testet me teknologji bërthamore.

Peniani nuk ka dhënë një kohë të saktë se kur do të kryejë testin, por analistët thonë se pamjet satelitore tregojnë se përgatitjet në impiantin Pangi-ri pothuajse kanë përfunduar.

Ditën e diel, lideri koreano-verior Kim Jong Un prezantoi atë që u cilësua si udhëzuesi më i rëndësishëm politik, që tregonte se një test tjetër bërthamor ishte i domosdoshëm.

Instituti i Shkencës dhe Sigurisë Ndërkombëtare, me bazë në Uashington, ka deklaruar se edhe pse pamjet e fundit satelitore nuk tregojnë kohën se kur mund të kryhet testi, aktivitetet në impiante justifikojnë shqetësimet se ai do të bëhet së shpejti.

Në një telefonatë të zhvilluar të hënën, sekretari i ri i Shtetit, John Kerry dhe homologu koreano-jugor Kim Sung Hwan ranë dakord se, “nëse Veriu vazhdon me sjelljen provokuese dhe kryen hapa të mëtejshëm, atëherë duket të ketë pasoja të mëtejshme”.

politikat po ia tregojne dhembet njera-tjetres