Gënjeshtrat më të shpeshta në internet

Ndodh shumë shpesh që lidhjet e filluara nëpërmjet internetit të mbarojnë qysh në fillim. Kjo ndodh për arsye se në rrjetet sociale të ndryshme gënjeshtrat na bindin për gjetjen e partnerit ideal



Pamja fizike

Kjo është një nga gënjeshtrat më të shpeshta në raste të tilla. Çështjet që kanë të bëjnë me fizikun, si pesha e gjatësia ndryshohen për të lënë përshtypje të një pamje më të bukur. Natyrisht se çdonjëri do të përpiqet ta përshkruajë veten sa më bukur në mënyrë që t’i bëjë përshtypje tjetrit, por ekzagjerimi është ai që e tejkalon çdo kufi dhe në takimin e parë real, do të duket sikur nuk e njihni fare atë person.



Mosha

Një tjetër gënjeshtër e zakonshme është mosha. Zakonisht nëse janë shumë të rinj në moshë, njerëzit preferojnë të tregohen më të pjekur, duke e rritur moshën reale, por rastet më të shpeshta janë kur ata e zvogëlojnë në fakt moshën reale për t’u dukur më të rinj.



Profesioni dhe stili i jetës

Të ardhurat personale, profesioni, lidhja familjare me të famshmit, stili i shtrenjtë i jetës, lloji i veturës, interesat e shumë të tjera janë në mesin e gënjeshtrave që thuhen në mënyrë që të arrihet një lidhje me një person nëpërmjet internetit.