21-vjeçarja padit 2 tutorët: Më shfrytëzonin për prostitucion, merrnin 150 € nata.

TIRANE - Shfrytëzohej prej disa kohësh për qëllime prostitucioni, 21-vjeçarja “rrëfehet” në polici. Burime nga policia e kryeqytetit bëjnë me dije se bëhet fjalë për rastin e një vajze 21 vjeçe me iniciale M.L., e cila prej afro 8 muajsh pretendon se shfrytëzohej për qëllime prostitucioni. Për këtë arsye, 21-vjeçarja ka depozituar kallëzimin pranë strukturave të policisë.
E reja me iniciale M.L. ka pohuar para efektivave se ajo prej më shumë se 7 muajsh detyrohej të kryente marrëdhënie seksuale me shtetas të huaj. Për këtë arsye, Seksioni Kundër Trafiqeve të Paligjshme ka nisur procedimin penal ndaj 28-vjeçarit Roland Daci, lindur dhe banues në Peshkopi, si dhe ndaj 41-vjeçarit Luan Faja, lindur në Peshkopi dhe banues në Tiranë. Duke u nisur nga rrëfimi i 21-vjeçares, Daci dhe Faja kanë detyruar për një periudhë të gjatë kohe për të prostituuar kundër dëshirës së saj, shtetasen me iniciale M.L.. Sipas policisë së kryeqytetit, kjo e fundit detyrohej që të kryente marrëdhënie seksuale me shtetas të huaj, kundrejt një pagese të caktuar.
Burime nga efektivat blu pohojnë se e reja shfrytëzohej nga dy të dyshuarit për të fituar sa më shumë lekë, pasi shuma që çdo “klient” paguante për të kryer marrëdhënie seksuale me vajzën e re, ishte plot 150 euro. Ndërkohë, policia e kryeqytetit ka nisur hetimet për sqarimin e rrethanave të çështjes, si dhe dokumentimin ligjor të kësaj historie. Por, në të njëjtën kohë, forcat e policisë po vijojnë hetimet edhe për identifikimin e mundshëm të personave të tjerë të përfshirë në këtë çështje, gjë që mund të çojë edhe në zbulimin e një rrjeti të mundshëm prostitucioni.

Keta duhen varre...

te vjen per te vjelle shikoi nga jane dhunuesit
shpellaret kur dalin nga shpellat ska ligj qe ti mbaje ?????