Brangelina, tashmë edhe prodhues vere

Çifti i famshëm i Hollywood-it, Brad Pitt dhe Angelina Jolie, tashmë do të ngrenë shëndete e dolli… duke pirë verën e tyre!

Po, ata kanë vendosur t’i shfrytëzojnë tokat që blenë në vitin 2008 në jug të Francës dhe të hyjnë në fushën e verërave në mënyrë dinamike…

Kështu, ata u bashkuan me familjen e famshme të verërave Perry, që ka në pronësi edhe “Château Beaucastel”.
Brangelina do të hedhë në tregun amerikan më 15 mars verën rozë “Miraval”, që ka marrë emrin nga zona Chateau Miraval ku ndodhen vreshtat e tyre. Në etiketën e shisheve shfaqen edhe emrat e Jolie, Pitt dhe Perrin.
Aktori 49-vjeçar nëpërmjet zëdhënësit të tij, deklaroi: “Bashkëpunuam ngushtë me familjen Perry dhe jemi të entuziazmuar me verën që krijuam”. /alb-observer.com/