Zbulohet Miss Korça e vitit 1931 (FOTO)

Thu 21 Feb 2013 - 13:27 Message reputation : 100% (1 vote)

Shqiptarët më sa duket qysh moti janë marrë me organizime të spektakleve të bukurisë. Një foto e zbuluar tregon se qysh në vitin e largët 1931 në Shqipëri ishte mbajtur një spektakël bukurie në Korçë.

Shumë larg përpjekjeve për të realizuar spektakle bukurie të ngjashmet me ato të sotmet…

Nën efektin e projektorëve ndriçues, fustaneve të dizajnuara nga stilistë të famshëm, bizhuteri që ndrisin qafën e taka të larta, spektaklet e dikurshme janë të një soji tjetër.

Pa kurrfarë ngjashmërie me modelin e eventeve që rëndom zhvillohen në ditët tona, kjo foto tregon një moment pozimi të konkurrenteve në spektaklin e bukurisë “Miss Korça”. Nga përpjekja për të lexuar nga fashat identifikuese, që ato kanë vendosur në trup, dallojmë disa prej tyre me shënimin “Miss Korça”, një tjetër “Miss Drenova” dhe dy të tjera tërësisht të palexueshme.

Gjithsesi, pohon gazeta Express, pamja e protagonisteve duket në kufijtë e një përpjekjeje për t’u vlerësuar, nëse u referohemi viteve në të cilat është organizuar konkursi.

Fustane të thjeshta në dizajn, në gjatësinë normale pak mbi gju, dhe ndonjë detaj pale apo fjongo bie në sy tek-tuk, ndërsa kanë mbathur këpucë të sheshta dhe tepër të thjeshta.

Kapelat ose ndonjë karficë e vendosur në kokë e shtojnë dozën e feminilitetit te këto vajza, të cilat me siguri për kohën duhet të jenë marrë si etalon i modës dhe tendencave të veshjes./noa