Arrestohet grabitësi në vilën e Rihannës

Një person u arrestua brenda vilës shumë-milionë dollarëshe të Rihannës ditën e premte, informuan mediat amerikane.

Ndërsa këngëtarja po feston 25-vjetorin e saj në Hauai, e shoqëruar nga i dashuri Chris Brown, i arrestuari duket se vendosi të shfrytëzonte këtë moment për të grabitur sende të vyera branda shtëpisë së Rihannës.

Megjithatë, sistemi i sofistikuar i alarmit të vilës bëri që të alarmohej policia dhe që të prangoste grabitësin brenda shtëpisë së këngëtares.

E pashqetësuar nga ky lajm, Rihanna as që e ka komentuar këtë ngjarje, duke zgjedhur që të vazhdojë e qetë pushimet e saj.