Shkodër, 80 shtëpi rrezikohen nga lumi Kir, banorët në protestë

Banorët e fshatit Bardhaj të komunës Rrethina në Shkodër, kanë dalë sot në protestë përpara Prefekturës, pasi një dëmtim i argjinaturës së lumit Kir rrezikon 80 banesa.

Pas bërjes të ditur në ankesave, Voltana Ademi, e cila është prefektja e qarkut Shkodër, ka dërguar shefin e emergjencave në vendngjarje për të verifikuar situatën.

Gjatë ditëve të fundit në këtë fshat janë gërryer afro 10 hektarë tokë, ndërsa banorët e kësaj zone shprehen të shqetësuar, pasi banesat e tyre do përpihen nga vërshimi i lumit Kir.

Ata i kanë bërë apel institucioneve vendore që të ndërhyjnë sa më shpejt për menaxhimin e situatës përpara se të ndodhë ndonjë katastrofë.

Shtrati i lumit Kir ka pësuar devijime të shumta nga ndërhyrjet pa kriter që i janë bërë. Specialistët kanë kohë që japin alarmin për dëmtimin argjinaturës.

/Shekulli Online/Përgatiti: E.D/