Valëvitet krenarisht flamuri kuq e zi në tunelin më të gjatë në botë

Mon 8 Apr 2013 - 12:07

BERNA- Punimet në tunelin më të gjatë në botë, atë të “Gotthard Baze” në Zvicër janë në gëzimin më të madh. Në këtë foto shihen minatorët, të cilën festojnë hapjen e aksit më të gjatë të tunelit në seksionin Sedrun-Faido. Punëtorët festojnë me flamujt e vendeve të tyre, ndërsa në mesin e tyre shihet edhe flamuri shqiptar që valëvitet nga një punëtor shqiptar. Projekti përbëhet nga dy tunele paralele me pista të vetme, ku secila ka një gjatësi prej 57 km. Qëllimi kryesor i këtij tuneli është rritja e vëllimit të përgjithshëm të transportit në të gjithë rajonin, e sidomos mes Zvicrës, Gjermanisë dhe Italisë. Sipas planifikimeve, në këtë aks do të qarkullojnë trenat e shpejtë, kështu fjala vjen distanca mes Cyrihut dhe Milanos do të kalohet për një orë.

/Shekulli Online/Përgatiti: E.Sh/