Një flamur shqiptar në tunelin më të gjatë në botë…!

Hapja e aksit më të gjatë të tunelit “Gotthard Baze”, në seksionin Sedrun-Faido është shoqëruar me gëzim të madh mes punëtorëve që kanë punuar në të. Punëtorët festojnë me flamujt e vendeve të tyre, ndërsa në mesin e tyre shihet edhe flamuri shqiptar që valëvitet nga një punëtor shqiptar.
Projekti këtë tunel I cili është më I gjati në botë, përbëhet nga dy tunele paralele me pista të vetme, ku secila ka një gjatësi prej 57 km. Qëllimi kryesor i këtij tuneli është rritja e vëllimit të përgjithshëm të transportit në të gjithë rajonin, e sidomos mes Zvicrës, Gjermanisë dhe Italisë. Sipas planifikimeve, në këtë aks do të qarkullojnë trenat e shpejtë. Kështu distanca mes Zyrihut dhe Milanos do të përshkohet vetëm në një orë./alb-observer.com/