Iran: Vepro si burrë, vishu si grua

Një burrë i veshur me një fustan të kuq dhe me një vel mbi kokë u detyrua nga forcat e sigurisë që të parakalojë nëpër rrugët e Marivanit në provincën Kurdistanit të Iranit të hënën, me 15 prill

Një burrë i veshur me një fustan të kuq dhe me një vel mbi kokë u detyrua nga forcat e sigurisë që të parakalojë nëpër rrugët e Marivanit në provincën Kurdistanit të Iranit të hënën, me 15 prill 2013. Një gjykatë lokale vendosi këtë lloj dënimi për tre burra të cilët u shpallën fajtorë për disa çështje vendase. Rrethanat e sakta janë të paqarta, por ideja e thjeshtë e këtij dënimi ka zemëruar shumë njerëz.

Gratë në Marivan organizuan protesta kundër këtij lloji të dënimit të martën, duke thënë se ajo është më poshtëruese për femrat sesa për meshkujt e dënuar. Sipas një aktivisti të të drejtave të njeriut, forcat e sigurisë sulmuan fizikisht protestuesit. Një video tregon se gratë marshonin nëpër rrugë.

Disa burra kurdë kanë fotografuar veten të veshur si femra si pjesë e një fushate në Facebook për të thënë, "Të jesh një grua nuk është një instrument për të ndëshkuar apo fyer dikë." Fotot shfaqen në një faqe të Facebookut me emrin “Meshkujt kurdë për barazi”.