E votuan Ligjin për duhanin, të parët e shkelin atë

Ata që dhanë votën për miratimin e Ligjit kundër përdorimit të duhanit në vende publike, po e shkelin të parët atë.
Kohavisioni ka siguruar disa foto, ku shihet qartë se deputetë të partive të ndryshme konsumojnë duhan në hollin e Kuvendit të Kosovës, pavarësisht se në këtë vend nuk është i lejuar konsumimi i tij.

Deputetët e PDK-së, Fatmir Xhelili, Elmi Reçica, si dhe Burim Ramadani e Bali Muharremaj të AAK-së, janë disa nga deputetët që i ka zënë syri i kamerës së telefonit.

Në transkriptin e votimit të këtij ligji, shihet se më 4 prill kanë votuar pro miratimit të këtij ligji.

Kohavisioni ka provuar t’i pyesë të gjithë personat e lartpërmendur se përse po e shkelin ligjin, të cilin e miratuan vetë, por asnjëri prej tyre nuk e ka hapur telefonin. /Telegrafi/

Po cte bejme pa duhan ,nuk shkon as kafja as kurgje pa duhan!