Mali i Zi i fton vendet e Ballkanit në një “Jugosllavi” të re

Qeveria Malazeze, përmes Ministrit për punë të jashtme Igor Lukshiq, inicioi një concept të ri për bashkëpunim rajonal mes vendeve të Ballkanit perëndimor, në të cilën përfshihen Mali i Zi, Maqedonia, Serbia, Kosova, Shqipëria dhe Bosnja dhe Hercegovina, bëjnë të ditur mediumet malazeze, transmeton Shqipmedia.

Të gjashtë vendet e Ballkanit do të punonin së bashku për integrimet euroatlantike. Këtë iniciativë, e cila parasheh një lloj më të avancuar të bashkëpunimit të ndërsjelltë dhe qasje funksionale, ndryshe parasheh bashkëpunim në fusha relevant e për përmirësimin e cilësisë së jetesës së qytetarëve dhe politikë unike për çështje të përbashkëta.

Mediumet e Podgoricës, raportuan së shefi i tyre i diplomacisë Lukshiq këtë iniciativë ia ka prezantuar në Bruksel komisionerit për zgjerim Shtefan Fyle, i cili e ka përkrahur këtë ide për grupimin sipas modelit rajonal të bashkëpunimit në Europë.

Me këtë iniciativë planifikohet të rishikohet edhe heqja e detyrimit për të patur pasaportë gjatë kalimit të kufijve ndërmjet shteteve, por edhe për mbrojtje më të madhe të minoriteteve, si dhe bashkëpunim dhe rrjetëzim të institucioneve shëndetësore./shqipmedia