Hidhen themelet e urës së tretë mbi Bosfor

anë hedhur themelet e urës së tretë që do të ndërtohet mbi Ngushticën e Bosforit, në Stamboll.

Në ceremoninë e hedhjes së themeleve, ku ishte e pranishme e gjithë paria e shtetit, Presidenti Abdullah Gyl deklaroi se emri i urës së re do të jetë Javuz Sulltan Selim.

Kryetari i Kuvendit të Madh Popullor të Turqisë, Xhemik Çiçek u shpreh se ura e 3-të mbi Bosfor është njëkohësisht edhe një urë shpirtërore.

Ndërsa Kryeministri Rexhep Tajip Erdoan nënvizoi se gjatë ndërtimit të urës së re dhe Autostradës së Marmarasë Veriore do të mbrohen zonat e pyllëzuara dhe liqenet natyrore e artificiale përreth.

Ceremonia e hedhjes së themeleve të urës së 3-të, që do të zhbllokojë trafikun e ngjeshur të Stambollit, u zhvillua në lagjen Garipçe të nënprefekturës Sarëjer.

Në themelet e urës u vendosën edhe mesazhet e presidentit Gyl, kryeparlamentarit Çiçek dhe kryeministrit Erdoan me rastin e kësaj dite të shënuar.

Ura Javuz Sulltan Selim, që është planifikuar të përurohet më datë 29 maj 2015, do të jetë ura e varur më e gjerë në botë, transmeton trt njoftimin.

Kostoja e kësaj ure, mbi të cilën do të kalojë edhe një linjë hekurudhore, do të jetë 6 miliardë lira turke (rreth 2,5 miliardë euro).