Si ishte Toka 300 milionë vite më parë?

Një hartë e re e Pangaea, tregon se si ka qenë harta e globit 300 milionë vite më parë dhe se si mund të dukeshin shtetet moderne në kohët e lashtësisë, kur toka ishte e gjitha bashkë.

Të dhënat nga fosilet tregojnë se 300 milionë vite më parë kishte vetëm një kontinent gjigant që rrethohej nga një oqean i vetëm, Panthalassa.

Sa e ndryshme do të ishte bota nëse sot Toka do të ishte po kështu? Ku Brigjet Lindoret të SHBA-ve kufizohen me Afrikën Veriut. Brazili është pa dalje në det dhe në kufi ka Nigerinë dhe Namibinë. Shqipëria në atë kohë ka qenë e bashkuar me Italinë ndërsa fqinj detar ka edhe Libinë.

Koncepti i kontinentit gjigant është paraqitur nga shkencëtari gjerman Alfred Wegener. Ai ka arritur në këtë përfundim duke studiuar vijëzimin e kontinenteve të ndara. Wegener ka dalë në përfundimin se të gjitha kontinentet mund të bashkohen njëlloj sikur të ishte lojë puzzle (me bashkim copash).

Kontinentin gjigant ai e quan Urkontinent, i cili u nda në shumë copa nga procesi i prirjes kontinentale. Wegener e paraqiti këtë teori në vitin 1912, por kolegët e tij ia rrëzuan tezën.

Sipas tij procesi i ndarjes së kontinentit gjigant nisi gjatë periodës “Triassic”, që ndodhi rreth 200 milionë vite më parë kur Pangaea nisi të ndahej. Ndarja ka ndodhur në disa faza deri sa u formuan kontinentet e ndara.

/Shekulli Online/Përgatiti: F.S./